Toda mitoloxía ten uns alicerces e toda épica ten uns inicios, e o chamado ½Ciclo de Cthulhu╗, polifonía estridente e impía que desafía toda cordura, non podía ser menos. Neste volume preséntanse as primeiras obras de H.P. Lovecraft nas que se perfila este inmenso e complexo cosmos estarrecedor poboado das máis aberrantes entidades. Dos poboadores prehumanos e extraterrestres de ½A maldición que caeu sobre Sarnath╗ ás areas de Arabia que sepultan a esquecida ½Cidade sen nome╗, dos saqueadores de tumbas de ½O sabuxo╗ aos escuros segredos de Nova Inglaterra que relata ½O festival╗, dos adoradores de Nyarlatothep de ½Os soños da casa da bruxa╗ a, como non, os sanguinarios cultistas de ½A chamada de Cthulhu╗, estas páxinas revélannos o nacemento dunha das mitoloxías máis importantes do século XX.