Atopei a definición que mellor se axusta á miña concepción da actividadde académica e artística nos mesmos versos lorquianos: "o teatro é a poesía que se levanta do libro e se fai humana".
Lina sentada, estudando para un examen de literatura, co seguinte interrogante dentro da cabeza: ¿Por qué limitarse a coñecer e crear só dende a mente, dun xeito estático, se somos tamén corpo, voz, acción e movemento?
Desas inquedanzas naceu Aulas sen paredes un estudo teórico-práctico derivado da Tese Doutoral de Rosalía Fernández Rial sobre o uso da expresión dramática e teatral como ferramentas pedagóxicas para as aulas de linguas. Esa investigación inclúe un Marco Teórico, un programa didáctico práctico desenvolto nun instituto público galego e un documental audiovisual sobre esa experiencia pedagóxica e creativa.