Conto dos irmáns Grimm. Grazas á plastilina, os animais, o bosque e ata as augas do río cobran vida.

Este conto dos irmáns Wilhelm e Jacob Grimm destaca pola súa orixinal proposta plástica. Os personaxes son figuras de plastilina, dotadas de grande expresividade. Cada imaxe está coidada ata o máis mínimo detalle, con escenografías elaboradas a base de tea, cartolina, madeira ou area, nas que non faltan elementos do bosque e do ámbito do fogar. Así, as árbores, as flores, a auga e as distintas dependencias da casa dos cabritos contribúen a situar o lector na historia, como un espectador de excepción.