Neste volume recóllense todas as referencias individualizadas dos documentos, unidades arquivísticas e libros que integran a Colección López-Ferreiro, no Arquivo-Biblioteca da Catedral de Santiago.
Esta colección, chegada ao arquivo por doazón dos PP. Xesuítas, e a eles pola irmá de López-Ferreiro, Concepción, contén a documentación e bibliografía recompilada ao longo do tempo polo máis senlleiro investigador do fenómeno xacobeo e un dos primeiros -senón o primeiro- historiadores contemporáneos de Galicia.