O ritmo na dramaturxia. Teoría e práctica da análise rítmica é un traballo altamente recomendable xa que desenvolve de forma rigorosa e útil a importancia da dimensión rítmica á hora de analizar ou de construír un texto. [...] O estudo de Afonso Becerra entende o ritmo como a parte deste receptor implícito, desta estrutura de efectos. Así, o ritmo é responsable de boa parte do efecto producido pola obra dramática. Pero coi dado: o estudo de Becerra non fica no sentido máis popular desta afirmación, que recolle o tópico do ritmo entendido como unha cousa intanxible e subxectiva (variable en función do suxeito perceptor). Ben ao contrario, define o ritmo de maneira precisa -sen concesión s á intuición de produtores e receptores- e trátao como materia analizable, que nace dunhas causas definidas e produce uns efectos ben concretos e mensurables.