Na sociedade actual, moitas miradas vólvense cara á atención de persoas que, pola súa incapacidade ou a súa idade avanzada, perderon a súa autonomía na vida cotiá. A demanda de profesionais formados que presten a súa axuda a estes colectivos é cada día maior, de aí que xurda con forza nas páxinas de ofertas de emprego a figura do auxiliar de axuda a domicilio como unha profesión de futuro.

Con este manual, o lector poderá adquirir os coñecementos necesarios para realizar técnicas de enfermaría básicas, así como para a conduta PAS (Protexer, Alertar e Socorrer).

Os contidos que presentamos correspóndense co módulo 'Prevención e Atención Sociosanitaria' do certificado de profesionalidade de 'Auxiliar de Axuda a Domicilio', segundo o Real decreto 331/1997.

Ideaspropias Editorial desenvolve este manual de formación para todos aqueles profesionais que se dedican a este labor ou desexan facelo, co fin de que amplíen os seus coñecementos sobre esta materia facilitando a obtención, ao mesmo tempo, dun título recoñecido polo Sistema Nacional de Cualificacións.