Cal é a natureza das "novas guerras"? Cales son as perspectivas da chamada guerra contra o terrorismo? Que relación existe entre guerra e información? E concebible un mundo sen guerra? Estas son algunhas das preguntas ás que tentaron responder os historiadores Xosé Fortes Bouzán e Felipe Fernández-Armesto, o almirante da Armada española Miguel Fernández, o ex-ministro de Defensa Alberto Oliart, Rafael Vilasanjuan, representante de Médicos sen Fronteiras, e Bernanrd Cassen, director xeral de Le Monde Diplomatique e cofundador e presidente de honra de ATTAC. En setembro do ano 2005 tiveron lugar os III Encontros de Mondariz-Balneario, auspiciados pola Fundación Carlos Casares. O título elixido para esta ocasión, Violencia e conflictos bélicos no novo século, quere ser un punto de partida para reflexionar sobre as transformacións da guerra no mundo global.