En total, 453 cartas que ofrecen un pormenorizado testemuño dun longo período da historia galega. Desde Compostela, Piñeiro actúa como mestre e amigo, editor e dinamizador do galeguismo; en Barcelona, Basilio Losada segue as novidades de Galicia, intervén nas actividades da clandestinidade, actúa como mediador entre a cultura galega e a catalá. Velaquí un epistolario excepcional, que sobarda o carácter privado e que sitúa o lector nun lugar de observación privilexiado. Reúnese neste libro a correspondencia cruzada entre Ramón Piñeiro e Basilio Losada desde 1961 ata 1984.