Neste volume recóllense escritos e artigos arredor da situación actual do idioma galego e dos debates sociais sobre a lingua e as súas expectativas de futuro. Ao carácter divulgativo e reflexivo dos ensaios, engádese o ton deliberativo e polémico dos artigos, publicados na edición de Galicia do xornal El País. En definitiva, formúlase un apelo á conciencia civil, nun intre crítico para o futuro da lingua galega. A sociedade galega atópase perante un dilema crítico para o porvir: o abandono ou a promoción do seu idioma propio.