MÁIS ALÓ DO HORIZONTE
Antonio García Teijeiro"Un mozo decide fuxir da guerra e do horror que o afogan. Camiña cara a ningures, buscando un lugar chamado paz. Na súa fuxida, chega a unha casa abandonada onde atopa unha misteriosa carpeta con relatos e imaxes doutra guerra. A memoria e a esperanza cruzan o seu camiño. Máis Aló do Horizonte é
Antonio García Teijeiro
Ver autorAntonio García Teijeiro, nado en Vigo o 13 de agosto de 1952, é un escritor galego, dedicado principalmente á literatura infantil, e mestre de escola.
Exerceu como mestre de Ensino Primario e Primeiro Ciclo da ESO. Colaborou nas páxinas literarias e pedagóxicas de xornais e revistas de Galicia, e en diversos proxectos literarios. Crítico e especialista en literatura infantil e xuvenil, impartiu cursos de animación á lectura, creación literaria, obradoiros de poesía, palestras. Como tradutor ó galego leva realizado diversos traballos dentro do eido literario infantil e xuvenil. Dirixiu coleccións editoriais e programas de radio de tema literario. Codirixiu o programa radiofónico de música e poesía Os sons do silencio.
Recibiu o Premio Merlín e o premio Pier Paolo Vergerio. A súa obra figura nas listas da IBBY. En 2017 recibiu o Premio Nacional de Literatura infantil e xuvenil de España pola obra Poemar o mar.
Algúns dos seus poemas foron musicados por grupos e músicos coma Antón Seoane e Paco Ibáñez. Mantén unha intensa actividade na rede co seu blog Versos e Aloumiños.
Xogou ao balonmán na División de Honra co Academia Octavio.
