Osiño cre que atopou a profesión perfecta: quere ser Papá Noel porque está convencido de que só traballa un día ao ano. Pero a súa nai non o ten tan claro…

Mentres preparan as galletas de Noiteboa, mamá Osa cóntalle todo o que Papá Noel fai durante os outros 364 días: coidar dos seus renos, ler miles de cartas, deseñar xoguetes, preparar os agasallos e planificar a súa gran viaxe arredor do mundo.

Unha divertida historia de Nadal, chea de humor e tenrura, que nos abre as portas do día a día de Papá Noel e demostra que detrás da noite máis máxica do ano hai moito máis traballo do que parece.

Seguirá querendo Osiño ser Papá Noel cando descubra todo o que implica o seu traballo?