Na década de 1970, Camilo vive nunha vila burguesa dentro dun dos suburbios máis pobres do Río de Xaneiro. Un día chega á súa casa Cosme, un rapaz da súa idade, apadriñado polo seu pai. Pouco despois de pasaren do odio ao amor e descubriren xuntos o desexo e a vida nas rúas do Río, Cosme morre de forma tráxica, acontecemento que perseguirá a Camilo no transcurso dos anos e marcará o seu rumbo.