A oposición entre campo e cidade aparece nos estudos que compoñen este volume como unha construción histórica en cambio constante: rural e urbano non son só espazos físicos, senón tamén formas de vida e sistemas de significado que se interrelacionan, se mesturan e se transforman, pois o espazo —rural, urbano ou de transición— inflúe na cultura, na historia e na maneira en que as comunidades se ven a si mesmas ao longo do tempo. Os traballos foron presentados nas xornadas Converxencias, celebradas na Facultade de Filoloxía o 3 de decembro de 2025.