Despois da visita de Raquel Fernández ao noso club de lectura animeime a ler a súa primeira novela, Contas de buxo, que me sorprendeu moi favorablemente. Contas de buxo foi publicada en 2024 na colección Costa Oeste da Editorial Galaxia. Digo que me sorprendeu favorablemente porque era unha novela que non coñecía e da que tampouco oíra falar pero que dentro de ser unha obra para público xuvenil está moi ben construída e consegue manter o interese ata o final. En Gondomar vive Lara con seu pai e seus avós maternos despois de que a nai decidira abandonalos hai anos. Este feito sobrevoa a vida familiar pero nunca se nomea, simplemente está aí. A raíz dun desencontro co mozo, Lara decide poñer terra por medio pero sen saber ben como acaba en Ribadeo. Alí a casualidade fai que atope ao seu curmán e que xuntos decidan investigar o pasado de súa nai, especialmente despois de coñecer que o Francés, coñecido de súa nai, volveu á vila. Pero paralelamente en Gondomar a familia denuncia a desaparición da rapaza e tiran das pistas ata dar chegado a Ribadeo, onde Silvia, a tía, aínda non sabe nada do que está pasando moi preto dela. A vida sempre depara sorpresas e así sucede coa resolución desta historia, que se vai apartando das suposicións que puidemos facer inicialmente. Unha moi boa historia para público adolescencia, de fácil lectura e que mantén a intriga ata o final. Gústame o que vou lendo de Raquel Fernández e xa me tarda a súa vindeira novela!

Despois da visita de Raquel Fernández ao noso club de lectura animeime a ler a súa primeira novela, Contas de buxo, que me sorprendeu moi favorablemente. Contas de buxo foi publicada en 2024 na colección Costa Oeste da Editorial Galaxia. Digo que me sorprendeu favorablemente porque era unha novela que non coñecía e da que tampouco oíra falar pero que dentro de ser unha obra para público xuvenil está moi ben construída e consegue manter o interese ata o final. En Gondomar vive Lara con seu pai e seus avós maternos despois de que a nai decidira abandonalos hai anos. Este feito sobrevoa a vida familiar pero nunca se nomea, simplemente está aí. A raíz dun desencontro co mozo, Lara decide poñer terra por medio pero sen saber ben como acaba en Ribadeo. Alí a casualidade fai que atope ao seu curmán e que xuntos decidan investigar o pasado de súa nai, especialmente despois de coñecer que o Francés, coñecido de súa nai, volveu á vila. Pero paralelamente en Gondomar a familia denuncia a desaparición da rapaza e tiran das pistas ata dar chegado a Ribadeo, onde Silvia, a tía, aínda non sabe nada do que está pasando moi preto dela. A vida sempre depara sorpresas e así sucede coa resolución desta historia, que se vai apartando das suposicións que puidemos facer inicialmente. Unha moi boa historia para público adolescencia, de fácil lectura e que mantén a intriga ata o final. Gústame o que vou lendo de Raquel Fernández e xa me tarda a súa vindeira novela!