Antón Blanco Casás, nado no Carril (Vilagarcía de Arousa) o 9 de xaneiro de 1996, é un poeta galego.

Estudou Filoloxía na Universidade de Santiago de Compostela. Foi primeiro premio de poesía na XLII edición dos Premios Minerva. Ten publicado poemas nas revistas Dorna e Grial. En xuño de 2016 publicou o seu primeiro poemario, A oseira, sendo o primeiro número da editorial Chan da Pólvora.

Formou parte do grupo de música experimental Canino e tocou a batería no grupo Atrás Tigre. É profesor de educación secundaria.