Marta Dacosta Alonso, nada en Vigo o 29 de setembro de 1966, é unha poeta, profesora e sindicalista galega. Reside en Peitieiros (Gondomar).

Licenciada en filoloxía galego-portuguesa. É profesora de lingua e literatura galegas no ensino medio. Moitos dos seus poemas foron publicados en revistas como Ólisbos, Dorna, Festa da Palabra Silenciada, en diversas publicacións colectivas, e na exposición Botella ao mar. En 2018 colaborou na revista Ligeia. Ten colaborado co semanario A Nosa Terra, o xornal dixital gznacion.com e Sermos Galiza.