«Extra!» é a nova obra de Paco Nogueiras logo de «Radio Bulebule»
e de «Brinca vai!» (III Premio Martín Códax da Música - Infantil) que,
trala súa publicación deron lugar a varios espectáculos cos que
o compositor e intérprete percorreu festivais, escenarios e escolas
de toda Galicia. O autor volve recuncar nos medios de comunicación
-nesta ocasión, a prensa escrita- coas 12 cancións deste novo
libro-disco ilustrado por Marc Taeger que, ademais, conta co apoio
dos videoclips dirixidos por José Miguel Sagüillo.