Elisabet Ríos Liste, nada en Londres en 1976, é unha escritora e profesora galega.

Trasladouse con poucos anos ás terras de Ordes e, despois dun periplo por diversos territorios da lusofonía (Porto, Lisboa, Azores, Cabo Verde), instalouse en 2003 ao pé do Castro de Elviña. Actualmente, desenvolve a súa actividade desde Cambre.

Colabora en diversas obras colectivas, realiza obradoiros de escrita, contacontos infantís e forma parte da revista dixital de crítica literaria A Sega. En 2018 colaborou na revista Ligeia. Dende hai varios anos traballa no IES Xosé Neira Vilas (Oleiros), dando a súa especialidade a lingua galega.