O Manifesto 25N reúne as voces de trinta autoras e autores galegos que reflexionan, desde a escrita ou as artes plásticas sobre a violencia contra a muller. A idea xurdiu a partir dunha iniciativa, en novembro de 2020, da Asociación Cultural Caldaloba (Cospeito, Lugo) e en concreto, do seu primeiro presidente, Martiño Maseda. Na nota editorial explícase: "O obxectivo era publicar un volume que dese acubillo, dende diferentes ópticas expresivas, á implicación artística na eliminación da violencia machista. Avivar as conciencias nunha repulsa colectiva contra un mal da nosa sociedade que parece non ter fin".