Sabemos do home Marcovaldo que traballa nunha empresa e vive na cidade. Mais, ¿que clase de trabaIlo fai?, ¿cal é a súa calificación laboral?, ¿que fabrica ou vende a empresa " Sbav " ?, ¿en que cidade -parece Milán, pode ser Turín vive Marcovaldo? Todo está ben premeditado: o autor non quixo mostrar un traballador, unha empresa e unha cidade -non esta, esa ou aquel en particular-, senón o trabaIlador, a empresa e maila cidade, xeneralizando; para que cada lector poida relacionar doadamente os mesmos cos trabaIladores, as empresas e mailas cidades reais que el coñece. E non se formula moralexa: o autor sabe que o verdadeiro significado dunha historia só é aquel que lle tira o lector realmente.