Unha avestruz come os callaos que tiraba Polgariño e logo convénceo para percorre-lo mundo. Un antílope que morre víctima das balas perdidas dos brancos que escravizan ós negros en Africa. Un pequeno dromedario que se aburre escoitando unha conferencia sobre a diferencia entre os dromedarios e os camelos. Unha morsa ou elefante de mar que pasa o día papando peixes e facendo malabarismos con armarios. Unha estraña ópera de xirafas, vellos, cazadores novos e moscas tsé-tsé. Un cabalo nunha illa que se pon a pensar e remata berrando: " ¡Viva a Liberdade! " Un león que devora ó domador, máis por poñer orde ca por ganas de comer. E, para rematar, a triste historia dos primeiros burros e os primeiros homes.