Vou comezar a traballar e necesito antes facerlles algunhas advertencias, por iso roguei a lord Kelly que os reunise a todos aquí. Estou, esa é a miña primeira impresión, diante dun caso complexo, e preciso da súa axuda para ver de esclarecelo. Agora ben, en sendo todos vostedes para min persoas merecentes do maior respecto e consideración, véxome no duro transo de ter que lles comunicar que, tendo en conta as miñas primeiras pescudas, creo que o asasino se atopa entre os presentes.