Primeiro volume da triloxía sentimentalista de Valcárcel, na que reflexiona sobre os sentimentos e a súa importancia para interpretar o mundo, a obra é unha reflexión sobre o esgotamento da tradición racionalista occidental e sobre a necesidade de buscar alternativas novas. O seu obxectivo é contribuír á afirmación dun pensamento galego, existente na idiosincrasia do noso pobo, pero escasamente cultivado polos tratadistas das artes e da intelixencia.