MASCARADA (NL)
Antón RiscoDurante as súas vacacións, fóra da rutina cotiá, estes catro personaxes poñen en práctica unha especie de psicodrama co que intentan aclarar os conflitos que dificultan as súas relacións persoais. Comeza así un xogo do que ninguén sospeita as consecuencias.
Antón Risco
Ver autorAntón Martínez-Risco Fernández, máis coñecido como Antón Risco, nado en Allariz o 30 de maio de 1926 e finado en Vigo o 7 de febreiro de 1998, foi un escritor galego, fillo de Vicente Risco.
Doutor en Filosofía e Letras pola Universidade Complutense de Madrid, exerceu a docencia na Universidade de Tolosa, onde estivo en contacto con republicanos e exiliados do franquismo. Logo dunha estancia en Oregón, en 1964 asentouse no Quebec, acadando a praza de catedrático de lingua castelá e portuguesa na Universidade de Laval. Trala súa xubilación regresou a Galiza, onde morreu por mor dun cancro.
É autor de numerosos traballos de teoría e crítica literaria, sendo especialista na obra de Valle-Inclán. Tamén é coñecido pola súa obra de ficción en galego.
Na súa honra, creouse en 2015 o Premio Antón Risco de literatura fantástica.
