Anthony Edward Tudor Browne (Gran Bretaña , 11 de setembro de 1946) é un autor e ilustrador de libros infantís de renome internacional con case corenta títulos publicados. Foi nomeado Home Children's Laureate para o período 2009-2011 en recoñecemento ao seu excepcional traballo no campo dos libros infantís. Browne crea unha narrativa poderosa coas súas acuarelas, mesturando realismo con toques surrealistas e fantásticos e efectos visuais humorísticos e enxeñosos.

O seu hábil uso da cor, os patróns e os fondos fomenta sutilmente a empatía cos seus protagonistas. Os gorilas aparecen en moitos dos libros de Browne, e afirma que está fascinado por eles e polo contraste que representan: a súa gran forza e dozura. A miúdo son considerados criaturas feroces, pero non o son.