En 1992 o corazón dos balcáns estoupa de forma estrondosa. Case imperceptiblemente, o horror da guerra, da limpeza étnica e das violacións a centos de milleiros de mulleres ábrese paso entre a poboación iugoslava, estremecendo a toda Europa. Slavenka Drakulic, nacida en Rijeka en 1942, escritora e xornalista residente en Zagreb (Croacia), relátanos en "Coma se non existise" como era o inferno daqueles días. Cunha extraordinaria dureza, a autora preséntanos a vida e a estadía dun grupo de mulleres nun campo de concentración durante a guerra de Bosnia e as despiadadas atrocidades e violacións ás que foron sometidas como derradeira fase da limpeza étnica. Coma se non existise é unha novela tan dura como reveladora e, precisamente por iso, terriblemente humana.