PUPI E A AVENTURA DOS VAQUEIROS
María Menéndez-PontePupi e os seus amigos foron xogar á casa de Coque. Pero Coque non quere deixarlles os seus xoguetes, e por enriba non lle gusta perder. Ata que, de súpeto, o seu cuarto se converte nun salón do afastado oeste, e o máis furioso dos vaqueiros ten algo que a Coque lle resulta familiar.Unha nova
María Menéndez-Ponte
Ver autorMaría Menéndez-Ponte Cruzat, nada na Coruña, é unha escritora galega en lingua castelá.
Despois de ser campioa de España de ximnasia en categorías infantís por dúas veces, comezou os estudos de Dereito na Universidade de Santiago de Compostela. Antes de rematalos casa e ten o primeiro fillo, e coa súa familia múdase a vivir aos Estados Unidos de América (Nova York), onde viviu durante cinco anos, e onde se licenciou pola UNED. Logo marchou a vivir a Madrid, onde se licenciou en Filoloxía Hispánica.
Na década dos noventa comeza o seu labor como escritora, tanto de novela como de relato curto, e fundamentalmente orientados á literatura infantil e xuvenil. Moitos dos seus libros están inspirados polo cristianismo ou tentan achegar aos mozos figuras da relixión cristiá. Algunhas das súas obras teñen sido auténticos best-séllers, como Nunca seré tu héroe, que levou o Libro de Ouro en 2006 ao pasar dos 100.000 exemplares vendidos e que superou as corenta edicións no ano 2016.
Tamén ten traballado na produción de numerosos libros de texto, na súa maior parte de relixión católica.
