PABLO OTERO

Artista visual que desenvolve unha parte importante do seu traballo na industria do libro e a edición.

Estudou Belas Artes na universidade, aínda que a súa formación profesional podería considerarse en gran medida autodidacta. Leva máis de vinte anos traballando no sector editorial, participando e desenvolvendo proxectos diversos, e publicou case trinta títulos en varias linguas. Ten predilección por explorar formatos dirixidos a un público máis novo, adora o carácter interdisciplinar do seu traballo e ten unha especial afección polas técnicas e ferramentas tradicionais.

Combina o seu traballo editorial coa docencia, que considera unha parte esencial do seu desenvolvemento artístico. Dirixe obradoiros e cursos de formación cultural para públicos diversos de todas as idades.