NEE BARROS

Nacida Barros Fernández (Ourense, 19 de decembro de 2002) é unha persoa dedicada ao activismo polos dereitos das persoas trans e tamén á divulgación cultural e á literatura.

Nee Barros naceu en Ourense , pero creceu na vila de Marín ( Pontevedra ) e estudou no IES Frei Martín Sarmiento de Pontevedra de 2018 a 2020. Ademais do seu traballo literario, promove a literatura en liña, especialmente a través da súa canle de YouTube Neeumatiko . Na súa canle, combina recomendacións de libros, análises de obras e activismo LGBTQIA+, e gañou o premio á Calidade Lingüística no concurso Youtubeir@s en 2021. Tamén canta e toca o baixo na banda de pop-rock Froalla. 

Na súa carreira literaria, recibiu recoñecementos desde moi nova en concursos como Lingua de Namorar (2018 e 2020), Prensa-Escuela (2018) e o concurso de relatos curtos Concello de Curtis (2019), entre outros. En 2022, recibiu o Premio María Victoria Moreno de Literatura Xuvenil, o que lle permitiu publicar a súa obra Nom estamos quebrades.