ANTONIO TIZÓN

Antonio Tizón Barral, nado en Aranga o 2 de xullo de 1960, é un escritor galego.

Licenciado en Ciencias da Información pola Universidade Complutense de Madrid, traballou como xornalista e profesor de diversas materias en Escolas de Arte e Superiores de Deseño. En 2015 publicou A antesala luminosa concibida como a primeira entrega dunha pentaloxía de xénero negro que ten ó policía Xosé Sánchez Pereiro de protagonista principal. En 2017 gañou o Concurso Internacional de Novela Curta Cidade de Ribeira coa obra Un home estraño, segunda novela da pentaloxía.