TERANGA
Beatriz Maceda«Vencerse é cousa de se tratar.» Este verso da escritora Xela Arias é o xermolo da historia dun grupo de rapazas que son quen de superar todos os atrancos que xorden na súa vida persoal e no instituto grazas á «Teranga» e á riqueza de compartir as palabras que nos definen nas distintas culturas.
Beatriz Maceda
Ver autorBeatriz Maceda Abeleira, nada na Coruña en 1963, é unha mestra e escritora galega.
Aos cinco anos foi vivir a Vilalba. Estudou na Escola Universitaria de Maxisterio, Educación Primaria pola especialidade de Lingua Inglesa. Realizou estudos de Posgrao en Orientación Educativa no Instituto Maslow Catell da Universidade de Deusto. No ano 1995 casou e volveu vivir na Coruña.
Exerce no ensino, imparte cursos e realiza traballos sobre Ensino Global. Publicou os relatos Ela e Tuerka 27 na revista Tempos Dixital. Pertence ao colectivo A Sega.
En 2020 entrou na directiva da Asociación de Escritoras e Escritores en Lingua Galega.
