Pablo Nogueira Campo, nado no Carballiño o 22 de abril de 1987, é un mestre, músico e escritor galego.

Estudou Maxisterio na Universidade de Santiago de Compostela, Psicopedagoxía e Mestrado en investigación en educación, diversidade cultural e desenvolvemento comunitario. Exerce de mestre de Audición e Linguaxe no colexio de Cea.

É baixista na banda rock Susie Q´s e na instrumental Acuario Sonoro. A súa faceta literaria chega coa publicación de dous títulos infantís para a estimulación da linguaxe oral en galego.