½Rexurdimento: a palabra e a idea╗ repensa e cuestiona o modelo historiográfico vixente que se lle vén aplicando tanto á literatura do XIX como en xeral á historia cultural e política galega contemporánea. Para iso estúdase a xénese do modelo historiográfico que está detrás do concepto (a ½Renaissance╗ de Jules Michelet), así como a evolución e cronoloxía da palabra ½rexurdimento╗ e o seu triunfo relativamente recente, xunto coa expresión ½Séculos escuros╗, sobre outras alternativas. Para isto, pártese do modelo crítico ½Le mot et l'idée╗ de Lucien Febvre, xa aplicado en Italia e Cataluña ós conceptos de ½Risorgimento╗ e ½Renaixença╗, movementos cos que o ½Rexurdimento╗ se compara.
Do máis revelador é o estudo do período 1916-1936, do que o profesor Anxo Angueira ofrece novas conclusións á luz da singular peripecia tanto da palabra ½rexurdimento╗ como da idea e do modelo que leva aparellados, a partir especialmente da análise das obras de Antonio Villar Ponte, Vicente Risco e os daquela mociños Carballo Calero e Fernández del Riego. Tamén o é o estudo que se fai do tópico que vincula o Rexurdimento co romanticismo e o papel de Sarmiento, clave na emerxencia política, cultural e literaria da Galicia contemporánea.