Unha das cousas que máis lle gustaban ao Manuel María era a con-versación, especialmente cando lle deixaban falar todo canto quería, que case sempre era bastante ou moito. Por iso debeu ser moi feliz cando o Xosé Manuel del Caño o convidou para faceren este libro: o Del Caño deixáballe falar canto se lle viña á boca, limitándose moi educadamente a pequenas preguntas ou suxestións estratexicamen-te situadas para darlle forma global á conversa. O Manuel debeu estar aqueles días coma o peixe na auga, ou coma o rei nunha cesta.