Irène Némirovsky, nada en Kiev o 11 de febreiro de 1903 e finada no campo de concentración de Auschwitz o 17 de agosto de 1942, foi unha escritora nada no Imperio ruso que viviu en Francia desde a súa mocidade e escribiu en francés.

Foi deportada a Alemaña en virtude das leis raciais debido á súa orixe xudía, a pesar de terse convertido ao catolicismo en 1939, e morreu en Auschwitz aos 39 anos.