Uqui Permui (Barallobre, Fene 1964). Ilustradora, deseñadora gráfica e realizadora, compaxina o traballo gráfico coa creación de proxectos en variados formatos. As dúas características xenéricas que definen os traballos nos que se involucra son, por un lado, a implementación de estratexias que incitan á colaboración e, por outro lado, a activación da esfera pública, entendendo esta como o espazo da rúa, do encontro, o debate, da confrontación, da cidadanía crítica e da construción activa dos diferentes aspectos da realidade. Vive e traballa en Santiago de Compostela. www.uquicebra.com / www.sic-lab.net