Xesús Corbacho (Meira, Moaña, 1954) é diplomado en Profesorado de Educación Xeral Básica. Leva vintecatro anos compaxinando o ensino (no que imparte a materia de matemáticas) con outras actividades, como a elaboración do libro A pasalo ben coas matemáticas (Xerais, 1999) ou a publicación de artigos en diversos xornais e revistas. Desde 1979 é membro fundador da Sociedade Deportiva Samertolameu de Meira - Moaña, na que sempre ocupou cargos directivos.