O ATRASO ECONÓMICO DE GALIZA
Xosé Manuel Beiras TorradoMalia o tempo transcorrido desde a súa primeira edición, o libro do profesor Xosé Manuel Beiras segue a gozar dunha enorme actualidade. Mudaron os tempos, mudaron as formas, mudaron os métodos, pero os problemas de fondo, as causas e as razóns do atraso económico da Galiza son basicamente os mesmos.
Xosé Manuel Beiras Torrado
Ver autorXosé Manuel Hixinio Beiras Torrado, máis coñecido como Xosé Manuel Beiras, nado en Santiago de Compostela o 7 de abril de 1936, é un político e economista galego de ideoloxía nacionalista galega e de esquerdas.
Foi membro fundador e líder do Partido Socialista Galego (PSG), Bloque Nacionalista Galego (BNG) e Anova Irmandade Nacionalista (Anova). Impulsou coalicións electorais con representación parlamentaria como Galeusca, Alternativa Galega de Esquerda (AGE) ou En Marea. Nese tempo, foi tamén portavoz no Parlamento de Galicia do BNG (1985-2005) e AGE (2012-2016).
No eido profesional estivo á fronte da cátedra de Estrutura Económica da Facultade de Ciencias Económicas na Universidade de Santiago de Compostela. Foi profesor de importantes figuras do Partido dos Socialistas de Galicia - PSOE (PSdeG-PSOE) como Emilio Pérez Touriño ou Abel Caballero e en 1999 pediu a excedencia como docente. En 1976 foi escollido membro de número da Real Academia Galega, mais renunciou ao cargo en 1986 sen chegar a tomar posesión do mesmo.
En 2022 foi premio Luís Porteiro Garea da USC polo seu “labor activo a prol da lingua galega”.
